Ásthildur kvödd eftir eftir áratuga starf

Leturstærð: Decrease font Enlarge font
image Ásthildur ásamt Ástu framkvæmdastjóra og Þorsteini fræðslustjóra. Ljósmynd/Árborg

Kveðjuhóf til heiðurs Ásthildi Bjarnadóttur, sérkennslufulltrúa leikskóla, var haldið í Ráðhúsi Árborgar í lok síðustu viku.

Með Ásthildi og manni hennar, Ásmundi Sverri Pálssyni, var þar saman komið samstarfsfólk úr Ráðhúsinu og leikskólunum til að þakka henni fyrir samstarfið og vel unnin störf til margra ára en hún hefur unnið hjá Selfossbæ og síðar Sveitarfélaginu Árborg frá 1. september 1982.

Ásthildur er einn af helstu brautryðjendum leikskólamála í sveitarfélaginu og hefur ætíð sýnt mikinn áhuga og metnað í að þróa leikskólastarfið í samstarfi við starfsfólk leikskólanna.

Ásta Stefánsdóttir, framkvæmdastjóri sveitarfélagsins, þakkaði Ásthildi framlag hennar til leikskólamála og færði henni gjöf frá Árborg en Þorsteinn Hjartarson, fræðslustjóri, sá um veislustjórn. Þá ávarpaði Kristín Eiríksdóttir, leikskólastjóri Árbæjar, samkomuna og kom margt skemmtilegt fram í tölu hennar. Ingibjörg Eiríksdóttir, samstarfskona úr Ráðhúsinu, flutti ávarp og færði Ásthildi gjöf.

Ásthildur er iðulega hrókur alls fagnaðar og fór vel á því að marsera undir suður-amerískri sveiflu um ganga Ráðhússins með Ásthildi í broddi fylkingar. Ásthildur endaði svo samkomuna með þakkarávarpi.

  • email Senda frétt
  • print Prentvæn útgáfa
  • Plain text Einfaldur texti