Stjórn SASS skorar á ráðherra mennta- og menningarmála að fundin verði lausn á því ófremdarástandi sem ríkir í aðgengi nemenda að framhaldsnámi á Suðurlandi.
Stjórn SASS fjallaði um málið á síðasta fundi sínum og þar kom fram að eins og staðan er nú búa hluti ungmenna á framhalsskólaaldri við það að eiga ekki möguleika á því að nýta almenningssamgöngur til að stunda nám við framhaldsskóla á svæðinu og ekki er boðið upp á heimavist við framhaldsskóla á Suðurlandi nema einungis á Laugarvatni.
„Nauðsynlegt er að ríkið ráðist í viðeingandi úrbætur þannig að nemendur hafi aðgang að heimavist við alla skóla á Suðurlandi, enda mikilvægt að allir framhaldsskólanemendur á Íslandi hafi jafnt aðgengi að námi,“ segir í bókun stjórnarinnar.