Vegleg gjöf eflir hljóðfæraeign skólans

Leturstærð: Decrease font Enlarge font
image Guðlaug Oddgeirsdóttir, sem færði skólanum peningagjöfina fyrir hönd sambandsins og Chrissie Telma Guðmundsdóttir, fiðlukennari, með nýju fiðlurnar og harmoníkurnar tvær.

Á síðasta skólaári færði Kirkjukórasamband Rangárvallarprófastsdæmis Tónlistarskóla Rangæinga stóra peningagjöf í tilefni 60 ára afmælis skólans.

Peningagjöf sambandsins hefur verið og er nýtt til að efla hljóðfæraeign skólans. Við skólabyrjun verða teknar í notkun nýjar fiðlur sem keyptar voru í sumar og verða þær meðal annars nýttar til  fiðlukennslu leikskólabarna á Laugalandi.

Peningagjöfin var einnig nýtt til að festa kaup á tveimur harmoníkum sem leigðar verða út en hingað til hefur skólinn leigt hljóðfæri frá Selfossi til að anna eftirspurn eftir hljóðfærum. Á næstu vikum  og mánuðum kaupir skólinn bæði  þverflautur og blokkflautur til að leigja út og í  forskólakennslu.

Tónlistarskóli Rangæinga þakkar fyrir þessa góðu gjöf frá Kirkjukórasambandinu.

  • email Senda frétt
  • print Prentvæn útgáfa
  • Plain text Einfaldur texti