Um kvöldmatarleitið síðastliðinn sunnudag fengu Brunavarnir Árnessýslu í Þorlákshöfn tilkynningu um eld í skjólvegg við íbúðarhús í bænum.
Þegar slökkviliðið kom á vettvang höfðu húsráðendur náð að slökkva eldinn með því að sprauta á hann vatni úr garðslöngu. Slökkviliðsmenn kældu vegginn og gengu úr skugga um að engar glæður væru eftir.
Líklegt er talið að eldsupptök megi rekja til sígarettu í öskubakka á pallinum.