Fjórir gistu fangageymslur á Selfossi

Leturstærð: Decrease font Enlarge font
image Lögreglustöðin á Selfossi. sunnlenska.is/Guðmundur Karl

Nóttin var annasöm hjá lögreglunni á Suðurlandi og komu fjölmörg mál inn á borð hennar og tengdust þau flest ölvun eða öðrum vímuefnum.

Um tíu fíkniefnamál komu til kasta lögreglu þar af nokkur þar sem hald var lagt á umtalsvert magn fíkniefna sem grunur liggur á að hafi verið ætluð til sölu. 

Þrír voru kærðir fyrir ölvun við akstur og einn fyrir akstur undir áhrifum fíkniefna. 

Ein líkamsárás var kærð til lögreglu þar sem grunur liggur á að eggvopni hafi verið beitt gagnvart þolanda.

Um tíma var allt tiltækt lið lögreglu á starfsstöðum á Selfossi og Hvolsvelli í verkefnum á Flúðum þar sem mikill mannfjöldi gistir á tjaldsvæðum. Ölvun og fíkniefnaneysla var nokkuð áberandi meðal gesta og hafði lögregla allnokkur afskipti af ósjálfbjarga einstaklingum sem og einstaklingum í annarlegu ástandi. Talsvert var um óspektir og háreisti á tjaldsvæðinu sem og áflog og voru miklar annir hjá lögreglumönnum við að stilla til friðar á tjaldsvæðum og fyrirbyggja að uppúr syði meðal gesta.

Eftir nóttina gista fjórir einstaklingar fangageymslur á Selfossi.

  • email Senda frétt
  • print Prentvæn útgáfa
  • Plain text Einfaldur texti