Sumarbústaður ónýtur eftir eldsvoða

Leturstærð: Decrease font Enlarge font
image Bústaðurinn er gjörónýtur eftir eldsvoðann. sunnlenska.is/MHH

Sumarbústaður í landi Miðfells við Þingvallavatn eyðilagðist í eldsvoða eftir hádegi í dag. Slökkvilið Brunavarna Árnessýslu á Selfossi og Laugarvatni fengu tilkynningu um eldinn laust eftir klukkan hálftvö í dag.

Bústaðurinn var alelda þegar slökkviliðsmenn mættu á vettvang en vel gekk að ráða niðurlögum eldsins.

Einn maður var í bústaðnum þegar eldurinn kom upp en hann náði að forða sér út og slapp án meiðsla.

Eldsupptök eru í rannsókn hjá rannsóknardeild Lögreglunnar á Suðurlandi, sem nýtur liðsinnis tæknideildar lögreglunnar á höfuðborgarsvæðinu.

  • email Senda frétt
  • print Prentvæn útgáfa
  • Plain text Einfaldur texti