Höskuldur Þorbjarnarson hefur verið ráðinn nýr umhverfisfulltrúi Hveragerðisbæjar og hóf hann störf í maí síðastliðnum.
Höskuldur er með B.sc í landfræði og meistaragráðu í landfræði með áherslu á jarðvegsvísindi. Höskuldur hefur í 14 ár, fyrir nám og meðfram námi, unnið hjá Kambi ehf, vinnuvélaleigu við alhliða og fjölbreytt störf að jarðvegsvinnu og umhverfisverkefnum.
Í þeirri vinnu hefur hann kynnst vel fjölbreyttum verkefnum bæjarfélaga svo sem snjómokstri, lagningu göngustíga, ýmiskonar lagnavinnu auk þess að hafa sinnt viðhaldi véla. Höskuldur er með öll ökuréttindi, vinnuvélaréttindi á fjölda vinnuvéla og ýmis önnur námskeið að baki.