Leit var haldið áfram í gær af Nika Begades, sem féll í Gullfoss síðastliðinn miðvikudag. Leitarsvæðið á ánni var stækkað til muna í dag og var leitað frá Laugarási og vel upp fyrir Brattholt.
Leitin skilaði ekki árangri og því hefur verið ákveðið að fresta leit um sinn, en Björgunarfélagið Eyvindur á Flúðum mun hafa eftirlit með nokkrum stöðum við ánna næstu daga.
Lögreglan vill enn og aftur ítreka þakkir sínar til allra þeirra sem lagt hafa leitinni lið, sem hefur verið á mjög erfiðu og hættulegu svæði.