Ókeypis námsgögn í Hveragerði

Leturstærð: Decrease font Enlarge font
image Grunnskólinn í Hveragerði.

Börn í öllum bekkjum í Grunnskólanum í Hveragerði munu fá ókeypis námsgögn þegar skólastarf hefst í haust. Var ákvörðun um þetta tekin við gerð fjárhagsáætlunar fyrir árið 2017.

Ákvörðunin var einróma samþykkt af öllum bæjarfulltrúum í lok árs 2016 en greint var frá málinu á Facebooksíðu bæjarins nú um helgina.

Þar kemur fram að þessi ákvörðun sé liður í því að gera Hveragerðisbæ að enn betri búsetukosti fyrir barnafjölskyldur en nú fjölgar sem aldrei fyrr í Hveragerði.

„Er augljóst að bæði ungir sem og þeir sem eldri eru velja Hveragerði til búsetu en bæjarstjórn er mjög meðvituð um að bæjarbúum standi ávallt til boða besta mögulega þjónusta,“ segir í tilkynningunni.

  • email Senda frétt
  • print Prentvæn útgáfa
  • Plain text Einfaldur texti