Ungi maðurinn sem slasaðist á gámasvæðinu á Víkurheiði á Selfossi þann 11. júlí síðast liðinn var úrskurðaður látinn í gær.
Slysið varð á miðvikudagskvöld þegar bifreið féll af tjakki með þeim afleiðingum að maðurinn, sem var að vinna undir bifreiðinni, klemmdist fastur.
Hann var fluttur með þyrlu Landhelgisgæslunnar á bráðamóttökuna í Fossvogi.
Ekki er unnt að greina frá nafni hans að svo stöddu.