HSU endurnýjar allan bílaflotann

Leturstærð: Decrease font Enlarge font
image Bílarnir hafa allir verið merktir stofnunni með áberandi hætti. Ljósmynd/HSU

Nýverið gerði Heilbrigðisstofnun Suðurlands langtíma samning við Bílaleigu Akureyrar um leigu á sextán bílum til afnota fyrir stofnunina og endurnýjaði þar með allan bílaflota sinn.

Flestir bílarnir eru af gerðinni Kia Ceed og Toyota Rav 4, auk tveggja annarra bíla.  Bílarnir hafa allir verið merktir stofnunni með áberandi hætti og sá SB skiltagerð í Þorlákshöfn um það.

Núverandi bílar leysa af hólmi eldri bílaflota HSU sem flestir voru af Skoda gerð, orðnir gamlir, komnir í mikið viðhald og sumir hverjir mjög mikið eknir og voru orðnir stofnunni dýrir. Í frétt á heimasíðu HSU segir að hagkvæmara hafi þótt að gera leigusamning, heldur en að fara í kaup á bílum.

Heilbrigðisstofnun Suðurlands rekur tíu starfsstöðvar um allt Suðurland en á þessum stöðvum sinnir hjúkrunarfólk heimaþjónustu í bæjarfélögunum og út um sveitirnar og auk þess sem læknar sinna útköllum á þessum stöðum, við mjög misjafnar aðstæður allt árið, jafnvel utan alfaraleiðar. Slík þjónusta kallar á bíla sem hægt er að treysta, svo öryggi starfsfólksins sé tryggt og þjónustan skili sér á áfangastað.

  • email Senda frétt
  • print Prentvæn útgáfa
  • Plain text Einfaldur texti