Allt sem flýgur á Hellu

Leturstærð: Decrease font Enlarge font
image Mynd/ry.is

Hin árlega flughátíð Flugmálafélags Íslands, Allt sem flýgur, verður haldin á Hellu helgina 8. til 10. júlí. Hátíðin snýst að vanda um að kynnast ólíkum flugsportum, fljúga, fylgjast með flugi, tala um flug og njóta samveru með vinum og fjölskyldu.

Dagskráin hefst á hádegi á föstudaginn en þá munu fyrstu gestirnir mæta. Flestir setja upp tjöld, koma sér vel fyrir, grilla með vinum og njóta kvöldsins.

Hátíðin hefst svo formlega á laugardag kl. 12 þegar flugvélar byrja að fljúga um svæðið. Kl. 13-15 verður kynning á flugsportum þar sem allt verður á flugi – allt frá flugvélum, þyrlum, fallhlífarstökkvurum, listflugvélum, fisum, svifflugum og drónum yfir í svifvængi, flugdreka, flugmódel, karamellukast úr lofti fyrir börnin, útsýnisflug o.fl.

Um kvöldið verður síðan grillveisla og kvöldvaka. Alla helgina verður m.a. frisbígolf á svæðinu, ísbíllinn mætir, pylsur í boði Atlantsolíu, gjafir fyrir börn o.fl.

  • email Senda frétt
  • print Prentvæn útgáfa
  • Plain text Einfaldur texti