Fjölskylduganga á Hellisfjall á laugardag

Leturstærð: Decrease font Enlarge font
image Síðastliðinn laugardag var gengið á Reykjafjall við Hveragerði. Ljósmynd/HSK

Héraðssambandið Skarphéðinn tekur þátt í verkefninu Fjölskyldan á fjallið líkt og undanfarin ár. Síðastliðinn laugardag var gengið á Reykjafjall við Hveragerði og laugardaginn 1. júlí verður gengið með póstkassann á Hellisfjall á Landmannafrétti.

Gangan hefst kl. 11:00 frá skálasvæðinu við Landmannahelli. Göngustjóri verður Guðni Olgeirsson leiðsögumaður og áhugamaður um gönguleiðir að fjallabaki. Allir velkomnir og það kostar ekkert að taka þátt.

Hellisfjall er grasi gróið fjall sem er auðvelt uppgöngu. Til að komast að fjallinu frá Þjóðvegi 1, er besta að fara upp Landveg nr. 26 við Landvegamót. Ekið er í 50 km á malbiki þar til komið er að Dómadalsleið, fjallveg númer F225.  Frá vegamótum Landvegar og Dómadalsleiðar eru 30 km að Landmannahelli. Aka þarf yfir eina óbrúaða á  leiðinni og því er nauðsynlegt að vera á fjórhjóladrifsbíl. 

  • email Senda frétt
  • print Prentvæn útgáfa
  • Plain text Einfaldur texti