Einn af hápunktum Kótelettuhátíðarinnar hjá yngri kynslóðinni var þegar Áttan steig á svið í Sigtúnsgarðinum í dag.
Það var rífandi stemmning og sungið með í öllum lögum. Mikill fjöldi fólks var saman kominn í bæjargarðinum og fóru hátíðarhöldin vel fram.
Gleðin heldur áfram í kvöld á útisviðinu við Hvíta húsið þar sem Páll Óskar, Love Guru, Stuðmenn, Úlfur Úlfur og Stuðlabandið koma fram.
Á morgun verður dagskemmtun í Sigtúnsgarðinum þar sem boðið verður upp á markaði, tívolí og vatnabolta svo eitthvað sé nefnt, Brúðubíllinn mætir á svæðið og karamellum mun rigna úr loftinu.