Bæjarskrifstofurnar í Hveragerði flytja

Bæjarskrifstofur Hveragerðisbæjar verða á haustmánuðum fluttar úr núverandi húsnæði í verslunarmiðstöðinni í Sunnumörk í miðbæinn eða að Breiðumörk 20, þar sem Arion banki var til húsa.

Sérstakur leigusamningur við Reiti – skrifstofur ehf. um leiguna var lagður fram á bæjarstjórnarfundi í apríl og samþykktur samhljóða.

Í bókun bæjarstjórnar segir að með þessu vilji bæjarstjórn leitast við að efla miðbæjarkjarna Hveragerðis sem óneitanlega breyttist töluvert með tilkomu verslumarmiðstöðvarinnar við Sunnumörk.

Verslunarmiðstöðin muni einnig njóta góðs af þessari breytingu þar sem meira rými skapast fyrir núverandi rekstraraðila og ný spennandi verslunarrými verða til í Sunnumörk.

Fyrri greinSkallamark Ernu kom Selfyssingum á bragðið
Næsta greinSamið um endurbyggingu á Austurvegi 4