Á dögunum komu konur frá Kvenfélagi Hvammshrepps í heimsókn á heilsugæslustöðina í Vík og færðu stöðinni góðar gjafir.
Um er að ræða ungbarnavog, augn- og eyrnaskoðunartæki með auka eyrnaskoðunarhaus og leikföng á biðstofu stöðvarinnar.
Helga Þorbergsdóttir, hjúkrunarstjóri, veitti gjöfunum viðtöku og nefndi þá meðal annars að kraftur og áhugi íbúanna á starfsemi stöðvarinnar væri ómetanlegur og t.d. væru flest lækningatæki stöðvarinnar til komin vegna gjafa frá heimamönnum.
Kvenfélag Hvammshrepps hefur í gegnum tíðina verið sterkur bakhjarl HSU í Vík og færir stofnunin þeim kærar þakkir fyrir allan stuðninginn.