Eyvindur safnar fyrir sjálfvirkum hjartahnoðara

Leturstærð: Decrease font Enlarge font
image Rannsóknir hafa sýnt fram á að Lúkas skilar mun betri árangri en venjulegt hnoð.

Á aðalfundi Björgunarfélagsins Eyvindar síðastliðinn sunnudag var ákveðið að ýta úr vör söfnun fyrir sjálfvirkum hjartahnoðara. Tækið hefur hlotið nafnið Lúkas frá hendi framleiðanda.

Þar er vísað í að með notkun þess verður til auka maður við endurlífgun sem sér algjörlega um hjartahnoð án þess að þreytast eða vera fyrir öðrum. Notkun á Lúkasi getur skipt sköpum við endurlífgun.

Með notkun tækisins er hámarkshjartahnoð ávallt veitt. Rannsóknir hafa sýnt fram á að Lúkas skilar mun betri árangri en venjulegt hnoð.

Eyvindur er í samstarfi við sjúkraflutninga HSU og lögregluna og er félagið út þegar upp koma alvarleg veikindi eða slys í uppsveitum Árnessýslu. Í uppsveitunum er langt í sérhæfða aðstoð og því nauðsynlegt að hafa yfir að ráða hóp sem hefur þekkingu og búnað sem þarf til að geta brugðist skjótt við og getur hafið fyrstu hjálp þar til sérhæfð hjálp berst.

Félagið mun leita til samfélagsins, fyrirtækja og einstaklinga um aðstoð til að safna fjármagni til kaupanna. Lúkas kostar um 2,5 milljónir króna.

Söfnunarreikningurinn er 0325-13-301382 og kennitalan 460100-2590.

  • email Senda frétt
  • print Prentvæn útgáfa
  • Plain text Einfaldur texti