48 manns í fjöldahjálparstöð – Fjarskiptamastur fallið í Dyrhólaey

Nú eru 48 manns í fjöldahjálparstöð sem opnuð hefur verið í Vík fyrir ferðamenn sem bíða af sér veðrið sem nú gengur yfir um miðbik Suðurlands. Gert er ráð fyrir að eitthvað dúri í nótt en bæti síðan í vind aftur og verði mjög hvasst fram eftir morgninum.

Lögregla og björgunarsveitir standa vaktina og hafa björgunarsveitir haft í nógu að snúast, þakplötur hafa fokið, fjarskiptamastur í Dyrhólaey er fallið og tjón hefur orðið á húsum í byggingu. Þá hafa rúður brotnað í ökutækjum.

Ekki er vitað til þess að slys hafi orðið á fólki.

Fyrri greinLokað undir Eyjafjöllum til Víkur
Næsta greinGrýlupottahlaup 3/2017 – Úrslit