Óveðursútkall á Selfossi

Leturstærð: Decrease font Enlarge font
image Björgunarsveitarmenn á vettvangi í dag. Ljósmynd/BFÁ

Laust eftir klukkan 15 í dag var Björgunarfélag Árborgar kallað út vegna trés sem óttast var að félli á íbúðarhús við Heiðmörk á Selfossi.

Björgunarsveitarmenn fóru á vettvang og söguðu greinar af trénu til að tryggja að ekki yrði frekara eignatjón af því. 

Sunnlenska.is er ekki kunnugt um önnur útköll vegna óveðursins í dag.

Óveður var um stund á Sandskeiði og skafrenningur á Hellisheiði, en ekki kom til þess að vegum væri lokað. Nú er krapi og hvassviðri á Sandskeiði, Hellisheiði og i Þrengslum. Greiðfært er með suðausturströndinni en hálkublettir á útvegum.

  • email Senda frétt
  • print Prentvæn útgáfa
  • Plain text Einfaldur texti