Lögregla rannsakar fjárdrátt gjaldkera BFÁ

Gjaldkeri Björgunarfélags Árborgar hefur viðurkennt að hafa nýtt viðskiptakort félagsins til kaupa á eldsneyti til eigin nota. Honum hefur verið vikið frá störfum og stjórn Björgunarfélagsins hefur vísað málinu til lögreglu sem fer með rannsókn þess.

Tryggvi Hjörtur Oddsson, formaður félagsins, segir að félagar í björgunarfélaginu líti málið alvarlegum augum og harma að gjaldkerinn fyrrverandi hafi brugðist trausti þeirra með þessum hætti.

Reikningar félagsins síðustu ára verða nú skoðaðir gaumgæfilega og málið unnið í samvinnu við Slysavarnafélagið Landsbjörg og lögmann þess.

Ekki verða veittar nánari upplýsingar um málið meðan rannsókn lögreglu stendur yfir.

Fyrri greinÁrborg áfrýjar dómnum
Næsta greinMalbik og völtun bauð lægst í yfirlagnir