Tvisturinn með tvenn verðlaun

Um síðustu helgi fór fram í Laugardalshöllinni hönnunarkeppni „Stíll“ sem er árleg Samfés hönnunarkeppni á milli félagsmiðstöðva þar sem keppt er í hárgreiðslu, förðun og fatahönnun.

Yfir 40 félagsmiðstöðvar tóku þátt og var umgjörðin í kringum keppnina hin glæsilegasta.

Þær Guðný Ósk Þorsteinsdóttir, Monika Pétursdóttir og Oddný Benónýsdóttir úr félagsmiðstöðinni Tvistinum á Hvolsveli unnu til tveggja verðlauna í keppninni, fyrir hárgreiðslu og fantasíuförðun.

Það var mat dómara að hönnunin sýndi frumlega hugsun og var skapandi, hún vakti jákvæða athygli og var hvatning til listsköpunar unglinga.

Fyrri greinLið HSK í 2. sæti
Næsta greinVörslusviptingu nautgripa aflétt