Nemendur yngra stigs Barnaskólans á Eyrarbakka og Stokkseyri tóku foreldrana með sér í skólann í morgun og buðu þeim upp á allskyns lestur.
Bæði lásu nemendur og foreldrar saman, foreldrar fyrir nemendur og öfugt. Fjöldi foreldra mætti eða á fimmta tug foreldra og forráðamanna.
Það var hún Hafdís bókasafnsfræðingur á skólabókasafninu sem átti hugmyndina að þessum skemmtilega viðburði en þessa dagana eru nemendur og starfsmenn skólans að taka þátt í landsleiknum Allir lesa.
Sem stendur er yngsta stigið í fyrsta sæti í sínum flokki og miðstigið í öðru sæti í sínum flokki.
Yndisleg stemning skapaðist í skólanum og nokkuð ljóst að svona viðburðir eru komnir til að vera í skólastarfi Barnaskólans.