Lögregla á Suðurlandi, tæknideild lögreglunnar á höfuðborgarsvæðinu og sérfræðingar kennslanefndar ríkislögreglustjóra hafa nú lokið vinnu á vettvangi við Heiðarveg á Selfossi þar maður fannst látinn fyrr í dag.
Líkið hefur verið flutt til krufningar en samkvæmt tilkynningu frá lögreglunni er dánarorsök óþekkt og mun ekki liggja fyrir fyrr en að aflokinni krufningu. Bráðabirgðaniðurstöður krufningar munu væntanlega liggja fyrir á mánudag.
Líkið er talið vera af erlendum aðila búsettum á Selfossi.
Ekki hafa fundist vísbendingar sem benda til saknæms verknaðar.