Lið Árborgar tapaði fyrir Reykjavíkurborg með eins stigs mun í undanúrslitum Útsvars í Ríkissjónvarpinu í kvöld.
Árborg hafði forystuna undir lokin en vopnin snerust í höndum liðsins og Reykjavík náði að knýja fram eins stigs sigur, 72-71 með því að svara síðustu spurningu kvöldsins.
Lið Árborgar skipuðu þau Gísli Stefánsson, Gísli Axelsson og Herborg Pálsdóttir.