Opnunarhátið appsins Grænt kort - Suður

Leturstærð: Decrease font Enlarge font
image sunnlenska.is

Laugardaginn 12. sept. kl. 15:00 býður Náttúran.is til mótttöku og opinberrar gangsetningar Græns Korts - Suður, apps um menningu, hagkerfi og náttúru á Suðurlandi í samvinnu við Listasafn Árnesinga.

 Wendy Brawer stofnandi Green Map System (greenmap.org) heldur fyrirlestur um grænkortagerð sem tæki til grænvæðingar heimsins. Wendy hefur unnið til fjölda verðlauna og er m.a. á lista UTNE yfir „50 framsýna menn sem breyta heiminum (50 visionaries changing your world)“

Græn kort hafa nú verið þróuð í yfir 900 borgum, bæjum og samfélögum í 65 löndum. Vefþróunarfyrirtækið nátturan.is hefur staðið að þróun Grænna korta hérlendis síðan árið 2008 en Grænt kort - Suður er fyrsta Grænkorta appið sem fyrirtækið þróar. Áður hefur Náttúran.is gefið Græn kort út í prent- og vefútgáfum (natturan.is/gm) og öppin HÚSIÐ og umhverfið og Endurvinnslukort.

Náttúran.is fékk styrk frá Uppbyggingarsjóði Suðurlands til þróunar appsins en fyrirtækið hefur starfað á Suðurlandi frá stofnun árið 2007, fyrst á Selfossi, síðan í Ölfusi við Hveragerði og nú er það starfrækt í Alviðru, umhverfisfræðslusetri í Ölfusi. Náttúrar.is er handhafið Kuðungsins, umhverfisviðurkenningar Umhverfis- og auðlindaráðuneytisins árið 2012 og fékk Umhverfisverðlaun Ölfuss nú í ár.

  • email Senda frétt
  • print Prentvæn útgáfa
  • Plain text Einfaldur texti