Sveitarstjórn Flóahrepps hefur ráðið Guðbjörgu Hólm Þorkelsdóttur í starf leikskólastjóra í Krakkaborg.
Guðbjörg er leikskólakennari og grunnskólakennari að mennt og hefur starfað bæði á leik- og grunnskólastigi, nú síðast sem aðstoðarleikskólastjóri í Auðarskóla í Dölum.
Á grunnskólastiginu hefur hún starfað sem umsjónarkennari og stigsstjóri á yngsta stigi og í leikskóla sem almennur starfsmaður á deild, deildarstjóri, aðstoðarleikskólastjóri og leikskólastjóri.
Eftirtaldir sóttu um stöðu leikskólastjóra við Krakkaborg:
Andrína Guðrún Jónsdóttir, grunnskólakennari
Birna Guðrún Jónsdóttir, leikskólakennari/deildarstjóri
Guðbjörg Hólm Þorkelsdóttir, aðstoðarleikskólastjóri
Halldóra K. Halldórsdóttir, leikskólakennari
Hulda Kristjánsdóttir íþróttafræðingur, deildarstjóri/staðgengill skólastjóra