Stokkseyringurinn Sigríður Birna Birgisdóttir hefur verið ráðin leikskólastjóri á leikskólanum Krakkaborg í Flóahreppi.
Alls sóttu sjö umsækjendur um starf leikskólastjóra við Krakkaborg, sem nú hefur tekið til starfa í nýju húsnæði.
Formaður fræðslunefndar, leikskólafulltrúi Skólaþjónustu Árnesþings, oddviti Flóahrepps og sveitarstjóri fjölluðu um umsóknirnar og var einróma samþykkt að ráða Sigríði Birnu í starfið.
Hún starfar í dag sem leikskólastjóri í Leikholti í Skeiða- og Gnúpverjahreppi og er með framhaldsmenntun í stjórnunarfræðum.
Hallfríður Aðalsteinsdóttir, aðstoðarleikskólastjóri, mun gegna starfi leikskólastjóra frá og með 1. mars þar til Sigríður Birna kemur til starfa.