Dragnótarbáturinn Jón á Hofi frá Þorlákshöfn fékk torkennilegan hlut upp með veiðarfærum á dögunum þar sem hann var á veiðum í Jökuldýpi vestur af landinu.
Landhelgisgæslan fékk tilkynningu um hlutinn og kom upplýsingunum til vakthafandi sprengjusérfræðings. Hann hafði samband við skipstjóra og var staðfest að um breskt tundurdufl með 225 kg sprengjuhleðslu var að ræða.
Á heimasíðu Landhelgisgæslunnar er sagt frá því að skipstjóranum hafi verið ráðlagt að halda að innsiglingunni við Sandgerði og flutti Hannes Hafstein, björgunarskip Landsbjargar í Sandgerði, sprengjusérfræðinga ásamt kafara frá Landhelgisgæslunni um borð og var duflið gert öruggt til flutnings.
Eftir að lyftibelgjum hafði verið komið fyrir á duflinu var því slakað í sjóinn og síðan dregið á öruggan stað til eyðingar með aðstoð slöngubáts frá köfunarþjónustu Sigurðar frá Sandgerði. Kafari Landhelgisgæslunnar kom svo fyrir sprengjuhleðslu við duflið þar sem því var eytt.
Myndskeiðið hér að neðan sýndir þegar að sprengjuhleðslunni úr duflinu var eytt en myndbandið er af heimasíðu Landhelgisgæslunnar.
Sprengjusérfræðingar eyddu tundurdufli sem kom í veiðarfæri from Icelandic Coast Guard/LHG on Vimeo.