Sunnlenska.is: Fjölmenni á minningartónleikum

Fjölmenni á minningartónleikum
================================================================================
sunnlenska on 25.07.2010 15:09
 
Helga Ingólfsdóttir ýtti Sumartónleikum í Skálholti úr vör 1975. Hún
var listrænn stjórnandi tónleikanna í þrjá áratugi eða þar til hún
varð að láta af störfum vegna heilsubrests 2004. Helga lést á síðasta
ári.
Gærdagurinn hófst á erindi Kolbeins Bjarnasonar um Helgu og var troðfullt
út úr dyrum í Skálholtsskóla. Helga var mikill frumkvöðull í
tónlistarlífi og er flutningur hennar á tónlist Bachs þekktust og á
heimsmælikvarða.
Á tónleikunum í gær var frumflutt tónverk um Helgu eftir Oliver Kentish.
Frá upphafi hafa verið frumflutt tónverk á Sumartónleikum eftir tugi
höfunda, innlenda sem erlenda.
Í lok dags var síðan stofnaður minningarsjóður um Helgu.
Í dag kl. 17 verður guðsþjónusta í Skálholti þar sem Hedwig Bilgram og
Marta G. Halldórsdóttir munu sjá um tónlistarflutning. Prestur verður sr.
Egill Hallgrímsson.