Sunnlenska.is: B-riðillinn í hnút

B-riðillinn í hnút
================================================================================
sunnlenska on 27.07.2010 23:20
 
Milan Djurovic kom Ægi í 0-1 á 22. mínútu en tíu mínútum síðar
jöfnuðu Þróttarar með sjálfsmarki Ársæls Jónssonar. Fimm mínútum
síðar tryggði Hallur Kristján Ásgeirsson Þrótturum sigurinn en síðari
hálfleikur var markalaus.
Berserkir hafa tryggt sér sigurinn í riðlinum en hörð keppni er um 2.
sætið. Þar stendur KFS best að vígi með 16 stig og Ægir er í 3. sæti
með 14 stig eins og Þróttur Vogum, en Ægir og KFS eiga leik til góða á
Þrótt.
Þar fyrir neðan eru KFK og Vængir Júpíters með 11 stig en KFK á
sömuleiðis leik til góða á Þrótt. Það er því ljóst að spennandi
leikir eru framundan í riðlinum eftir Verslunarmannahelgi en þá mæta
Ægismenn Berserkjum, KFK og KFS.