Leitin að Blómadrottningunni

Guðrún Magnúsdóttir var kosin blómadrottning árið 1956. Myndin er úr Alþýðublaðinu, sem birti viðtal við Guðrúnu.

Sú góða hefð að velja blómadrottningu ársins í Hveragerði verður endurvakin á Blómaballinu á Hótel Örk næsta laugardagskvöld.

Hafa valinkunnir einstaklingar verið skipaðir í dómnefnd, en formaður hennar er Fjölnir Þorgeirsson. Dómnefndin mun velja stúlkurnar á dansleiknum sjálfum. Vegleg verðlaun bíða stúlkunnar sem heiðurinn mun hljóta í ár.

Það var Kvenfélag Hveragerðis sem stóð í árdaga byggðar fyrir Blómaballi Í Hveragerði þar sem var valin blómadrottning úr hópi ungra meyja. Böll þessi voru í áratugi fastir liðir í menningar- og skemmtanalífi Hvergerðinga og hafa verið haldin árlega þó ekki hafi alltaf verið valin Blómadrottning.

Ingó og Veðurguðirnir munu spila á dansleiknum.  Forsala miða er í Tíunni í Hveragerði og vissara að næla sér í miða frekar fyrr en seinna. Aldurstakmark er 20 ár.