Tvö lög frá Selfossi í jólalagakeppninni

Leturstærð: Decrease font Enlarge font
image Tómas Davíð Ibsen Tómasson. Ljósmynd/Ágúst Valgarð Ólafsson

Kosning í árlegri Jólalagakeppni Rásar 2 stendur nú yfir en tvö af lögunum átta sem komust í úrslit eru frá Selfossi.

Tríóið Triolas flytur lagið Friður færist nær, en meðlimir Triolas eru söngkonurnar Guðný Lára Gunnarsdóttir og Gunnhildur Þórðardóttir ásamt Stefáni Erni VIðarssyni sem leikur á píanó og raddar.

Tómas Davíð Ibsen Tómasson sendi lagið Immanúel inn í keppnina og komst einnig í úrslit. Tómas syngur lagið sjálfur og sér um hljóðfæraleikinn ásamt Óskari Einarssyni, sem einnig syngur bakraddir með Fanny Kristínu Tryggvadóttur.

Alls voru um 40 lög send í keppnina og voru átta þeirra valin í úrslit. Kosningin stendur yfir til 13. desember. Úrslitin verða tilkynnt fimmtudaginn 14. desember á Dagvaktinni en lagið sem verður fyrir valinu fær útnefninguna jólalag Rásar 2 árið 2017. Sigurvegarinn fær jafnframt vegleg verðlaun frá Tónastöðinni, Svefni og heilsu og Sjávargrillinu.

Smelltu hér til að hlusta á lögin og taka þátt í kosningunni.


Guðný Lára og Gunnhildur eru tveir/þriðju hlutar tríósins Triolas.

  • email Senda frétt
  • print Prentvæn útgáfa
  • Plain text Einfaldur texti