Sunnlenska hljómsveitin Kiriyama Family er aðra vikuna í röð í toppsæti vinsældarlista Rásar tvö með lagið Apart.
Listinn var kynntur í gær en lagið Apart hefur nú verið sex vikur á vinsældarlistanum en það fór í toppsætið í síðustu viku.
Í öðru sætinu er lagið „Lof“ með hljómsveitinni Hjálmum og í því þriðja er sveitin Amaba Dama með lagið „Hossa Hossa“.
Hvati kynnir 30 vinsælustu lög Rásar 2 síðdegis á laugardögum og aftur á sunnudagskvöldum en einnig er hægt að hlusta á listann í Hlaðvarpi RÚV.
Hlustendur geta tekið þátt í vali listans með því að kjósa hér.